Pentinge Maca Novel Carang-carang Garing
Buku sing
dikarang dening Tiwiek, SA iki nggambarake kasengsarane wong cilik kang dadi
korban panguwasan. Saliyane kuwi isih ngadhepi kanyatan pait urip ing
pakunjaran. Novel sing terbit ana ing Surabaya iki nyritakake rekasaning urip
sing dialami Suyatman kanggo nyukupi kebutuhane kang duwe anak lima, namung
anak mbarep wis nduwe bojo.
Amanat sing bisa
kapetik saka novel iki yaiku becik ketitik ala ketara. Tuladha ing crita yaiku
tumindak alane Suyatman kang nduweni watak dendam lan mateni ponakane dewe. Lan
uga Bambang sing ditresnani Darmini kang nganggep samubarang iku bisa dituku
nganggo dhuwit. Tumindak ala iku bakal nyilakani awake dhewe lan bisa gawe ora
tentremining ati, apa maneh ngadepi urip kang diilon-iloni rasa wedi. Tur dadi
wong aja sok gumeman kasar marang bojo, mundhak katirukake marang anak.
Dene dadi anak
wadon iku kudu bisa njaga diri lan martabate. Sarta ngati-ati anggone
pasrawungan karo wong lanang kang durung pati kenal. Tuladha kang bisa
nggambarake yaiku ana ing crita novel “Carang-carang Garing”, yaiku Darmini
sing lagi kenal marang Bambang pemborong sing mbangun kreteg ana wetan omahe.
Jebule Bambang iku si kumbang kang sejatine mung butuh ngisep madu.
Lan nduweo
panggaotan sing cetho, aja nganti golek dhuwit kanthi adol diri kanggo nyukupi
kabutuhane kaluwarga. Kayata sing digambarake Darmini, menyang kutha entuk panggaotan dadi germa lan akhire ketemu marang
Bambang. Wong sing ora tanggungjawab marga mbiyen wis ngetengi dheweke, banjur
digugurake nanging ora di mangerteni marang kaluwargane. Pelajaran sing bisa
kapetik yaiku aja percaya karo omongane wong sing lagi wae kenal banjur ngajak
tumindak sing ala.
0 komentar:
Posting Komentar