Tali Paseduluran

Dening : Armin Retno Vitasari

Nalika manungsa ana ing donya iki

Kudu nyiptakake paseduluran kanthi rumaket

Kepiye carane?

Marang sedulur kudu adil ora ana rasa iri

            Guyub, rukun, lan raket kudu dijaga

            Paseduluran iku bakal ngrembaka

            Nalika padha ikhlas ngayomi

            Apa wae sing dadi keperluane sedulur

Pedoman Urip Manungsa

Dening : Armin Retno Vitasari

Maneka warna agama sing dipitaya manungsa

Tujuanne lan intine padha

Nyembah marang Gusti ingkang paring nikmat

Nanging uga maneka warna carane nyembah

                Manungsa duwe pedoman dhewe-dhewe

                Kitab suci kang wis sinebut

                Dadi cekelane manungsa

                Kanggo mujudake manungsa sing setya tuhu

                Marang pitutur sing wigati banget

                Ana ing sajroning kitab suci

Pitutur Saka Gusti

Dening : Armin Retno Vitasari

Apa kang kudu digugu?

Urip iki namung mampir

Apa sing digoleki ning donya iki

Namung berkahe Gusti

                Apa aku kudu nyuwun

                Apa sing tak dadekake pedoman urip

                Gusti bakal ngabulake panyuwunan

                Namung aja lena marang pitutur kang wis katulis

                Katulis ing sajroning kitab suci

                Yaiku Al Qur’an …

Sore sing Ilang

Dening : Armin Retno Vitasari

Tak sawang langit sing katon biru

Terange srengenge sing nyoroti

Ngirup angin seger

Lan dolanan layangan wayah sore

                Ilang kabeh kanikmatan iki

                Kabut sing nglilingi awang-awang

                Dadi tandha tumekane sore

                Lan surya lunga saka peraduane

Katresnan sing Nyata

Dening : Armin Retno Vitasari

Ora kesel raga iki njaga sliramu

Ora lara otak iki mikirne sliramu

Ati lan jiwa iki duwekmu

Raga iki tetep ning sampingmu

                Tak cekel kanthi teguh atiku

                Tak jaga ati iki

                Lan yakin menawa tresna iki nyata

                Saka njero atiku