Kembang

Dening : Armin Retno Vitasari

Aku mlaku dhewekan

Tanpa arah lan tujuan

Ana sajroning taman

Akeh kembang sing padha mekar

            Sedela mripat iki sayu

            Ngulati saben kembang padha layu

            Sing nggambarake perasaanku

            Kebakar rasa cemburu

Pitik Cilik

Dening : Armin Retno Vitasari

Mrana mrena namung melu turut mburi

Pating kelik njaluk pakan

Rina wengi tansah diangremi

Amarga adem ing wayah bengi

            Wayah esuk marani pakanan

            Wayah sore bali menyang kandhang

            Ora duwe kesel mlayu rana mlayu rene

            Tansah nurut marang mboke

Esem Manis

Dening : Armin Retno Vitasari

Ati iki saya suwe banget nyaman

Amarga tresna marang sliramu

Rasa bungah iki dadi semangate ati

Semangat kang ora ana enteke

            Nalika nyawang sliramu

            Ati iki krasa ayem

            Nyawang esem manismu

            Ora ilang saka ulatku

            Nganti tumekane pati

Sepi ing Wayah Wengi

Dening : Armin Retno Vitasari

Ora ilang saka padhangan iki

Nyenyet kahanan ing njaba

Peteng ora ana sliweran wong lewat

Rasane kaya pengen mbengok

Nanging ora wani

Ora wani karo sepine kahanan wengi

            Rina wengi rembulan sing tansah ngancani

            Padhange nembus celah ing godhong-godhong

            Nanging wayah padhang mbulan ora ana bocah metu

            Metu kanggo dolanan bebarengan

            Sing tak sawang namung klibetan godhong

            Kanginan ing wayah wengi